Mwezi wa Oktoba ni Mwezi wa Kimisionari. Ni wakati wa kukumbuka kwamba kazi ya kueneza upendo wa Yesu si ya watu wazima pekee. Wewe pia ni mmisionari!
Mpendwa mtoto mzuri, Mungu amekupa nafasi ya kuwa chombo cha upendo wake. Unaweza kuwa mmisionari kwa kusali, kusaidia, kushirikisha wengine, kusema maneno mazuri na kuwajali wale wanaokuzunguka.
Biblia inasema:
“Mtu awaye yote asiudharau ujana wako.” (1 Timotheo 4:12)
Hii ina maana kwamba hata ukiwa mtoto, unaweza kufanya jambo kubwa kwa ajili ya Mungu.
Jambo la kufanya leo
Jiulize: “Leo nitamwonyesha nani upendo wa Yesu?”
Unaweza kumsaidia mwenzako, kumfariji mwenye huzuni au kusali kwa ajili ya mtoto mwingine.
Ujumbe kwa wazazi
Mpendwa Mzazi, msaidie mtoto wako kuelewa kwamba hata kitu kidogo anachofanya kwa moyo wa upendo kinaweza kuwa sehemu ya utume. Mpe nafasi ya kushiriki, kusaidia na kutoa kwa moyo wa ukarimu.
Kumbuka: Wewe ni mtoto, lakini wewe pia ni mmisionari!
Katika kipindi kijacho: Tutaangalia jinsi sala yako inaweza kuwa sehemu ya utume, hata kama husafiri kwenda nchi nyingine.

Imeandaliwa na: Ofisi ya Mashirika ya Kipapa Taifa